In the sun

photo of the day

playlist July

- OZRIC TENTACLES - The Floor's Too Far Away , déi nei ass graad ukomm, the erps live!

- Peeping Tom - Peeping Tom

- Archive - Lights

- Mastodon - Call of Mastodon

waarden nach gespannt op déi nei TMV.

Shine on!

:-(((((
Shine on Syd!

Photo of the day

MUDAM

De MUDAM, am Volleksmond Pei-Musée genannt, ass endlech dese Weekend opgaang, an ech hun mir et net huelen geloos de Musée mat senger Collectioun ze entdecken. Et ass en effet schon wie souvill beschriwwen eng Zen- Atmosphère. Hervierzehiewen ass daat symbolstaarkt Scheff vum Cai Guo-Qiang am groussen Hall, sou wéi seng Kanarieninstallatioun. Den Wim Delvoye spillt mat de Gefiller vun de Leit an enger duerchaus bizarrer Kappell, nu-gothesch ugehaucht, mat onerwaarten Fensterdecoratiounen.Selten huet een Artist sain Espace esou envahisséiert an inverstéiert wéi den Marc Couturier mat sengen gigantesch-intimen an elementaren Zeechnungen, verblüffend effectiv an intim.
Ech huelen un dat d'Zeitungen iech an de nexten Deeg besser informéieren waart, wéi ech daat kann. Ech huelen un dat an deser diverser Sammlung/Ausstellung fir jidfer Goût eppes kann dobai sin. Traut Iech. (an falls daat helleft: Des Woch ass et gratis!)

Photo of the day

God Inc.

Ech erzielen Iech haut vun engem Buch vun Carl de Keyzer waat Ufanks den 90er Joren rauskomm ass: God Inc.
Déi mech besser kennen wessen dat den Magnum Fotograf Carl de Keyzer e vun mengen absoluten Lieblingsfotografen ass, wahrscheinlech een vun deenen resolut contemporainsten a beschten Fotografen déi des weltberühmt Fotosagence am Moment huet.
God Inc ass vielleicht net den De Keyzer sain konzeptuel weitgeduechtsen Buch (check East of Eden, Europa), mae awer bestemmt fir den Entdecker sain zougänglechst.

D'Thema ass wéi schons erooden d'Welt vun den Reliounen an Sekten an den USA.Wann dir Satellitenfernseh hut, hut dir bestemmt schon des Televisiounspriedeger gesinn, déi an gliesenen Kathedralen hier Show présentéieren. Eng Meschung aus Loriot an Monty Python mat Momenter. Et muss e wessen dat religiéis Gruppen Steierfreiheet hun an den USA, an dat desen Fait natirlech vill Entrepreneuren an dest lukrativt Geschäft zitt. Verschidden Sekten entweckelen speziel an heinasdo hirnresseg oder esouguer geféierlech theologesch Theorien, aanerer en harmlosen Mix aus Hokuspokus, Medienspektakel an Wonnerheelungen déi kengem wéidoen.

De Carl de Keyzer huet de Fehler net gemeet dest Thema op eng zevill spektakulär Art an Weis unzegeoen, mae tortzdem mat senger gewinnter Ironie an subtilen Humor.
Seng Kompositiounen sin déi vun Renaissancetableaux'en, hien schafft zu deem Ament nach S/W an vill mat Open Flash, d.h. méi oder manner laangen Belichtungszeiten an Bletz. Seng Gamme de gris ass otemberaubend, mettel bis daischtergro, dense, an intense, mat net zevill Kontrast gezunn, den Hannergrond emmer eng Blende méi knapps beliicht wéi de Raescht. D'Grupp an d'Mass schengt en méi ze interesséieren wéi den eenzelnen Personnage, seng Kompositiounen sin oft schwéier an iwerfellt.

Spéider erzielen ech iech nach méi zu sengem aaneren Bicher, gitt an der Zweschenzait sain Internetoptrett kucken dee sengesglaichen sicht.Tiptop!


http://www.carldekeyzer.com
http://de.wikipedia.org/wiki/Carl_de_Keyzer

One hour photo

Ech probeieren Iech eng Lescht vun Filmer ze maachen déi all Fotograf gesin muss hun, weinst senger Thematik, senger fotografeschen Approche, senger Luucht.
Een Meschterwierk menger Meenung no ass de Film "One hour photo" mam Robin Williams, deen des Keier mol eng Keier net den sympateschen, witzegen Tollpatsch spillt, mae vill méi eng verstéiert, onheemlech Roll.
Ech wor de Film vum Mark Romanek, deen deemols wéi ech fannen net genug gewierdegt gouff, deemols an de Kino kucken, an geschter Owend koum en owes spéit um ZDF, dofir meng spontan Entscheedung Iech dovun ze zielen.
Haaptpersonnage ass den Sy Parrish, een Fotolaborant mettleren Alters, gespillt vum Robin Williams, deen an engem Spuermarché Type Walmart den Clien'ten hier Fotoen an engerStonn entweckelt. net mat der fir Low Budget Buttiker üblecher Qualitéit, mae mat akribescher, baal déplacéierter Précisioun. De Sly ass e Pefectionnist, genausou dreemt en vun der perfekter Famill, déi hien als Jonggesell net huet. Ersatz fennt hien an den Familienbiller vun enger jonker, guttsituéierter Koppel mat Kand déi reglmässeg hier Fotoen laanschtbrengen. Den Sly steigert sech esouwait an des fiktiv Firstellung eran, dat en regelmässeg Oofzich fir sech selwer matprint.
Wéi en dowéinst seng Arbescht verléiert an glaichzeiteg erausfennt dat seng Dramfamill net esou perfekt ass wéi hien mengt, brecht seng Welt zesummen an en dréit duerch.
Den Film spillt net nemmen an der Welt vun der Fotografie (well d'Welt vun den Laboen ass een Deel vum Phänomen Fotografie), en liewt et och duerch seng Cadragen, seng Faarwtemperatur vun der Luucht,; deen e Moment ass den Sly an engem waaremn, giel-orangen Zemmer, deen aaner Moment am onverzeilechen, grellen an propperen-sterillen waissen Neonliicht vun sengem Labo.
D'Functioun vun der Fotografie ass fir de Sly déi vum Roland Barthes, den "ça a été", ech wor op deser Welt, an een huet et fir wichteg genug fonnt meng Präsenz ze témoignéieren.
Den Robin Williams beweist dat hien trotz an wéinst sengem subtillen Spill vill méi kann wéi een an sengen Komödien weisen wellt. (Hien erennert mech dobai un den Jim Carrey deen mat Truman Show an Eternal Sunshine... zwee absolut Meeschterwierker bruecht huet obwuel ech mat sengen dommen Grimmassenkomödien glatt an guer naischt ufaenken konnt an kann.)
Leider haett ech mier awer een méi iwerraschen Schluss zu desem exzellenten Thriller gewenscht, d'Opklärung an Ofschléissen vun der Geschicht leist engem dach e klengen Nogeschmack.

photo of the day

playlist june 2006

dancing under my willow tree to:

- Easy Star All Stars.-.Dub.Side.of.the.Moon : uhuuu, coolness factor 100 my brother, eng Reaggae/dub band mecht een tribute to the dark side. Dir waert et net fir méiglech haalen et et functionnéiert, grandiosen summer chill!!!

- ProjeKct X - Heaven and earth: endlech fonnt, een KC side project, sick as hell, prog goes drum'n bass

- Pure Reason Revolution - The Dark Third (nice, léieren ech graad kennen)

- Gilgamesh.-.Arriving.Twice (jazzy, canterbury stuff)

- system 7 - live transmission (meng aal helden hun e live album dobausser)

Schafe

Wer nachts von weissen Schafen träumt, sieht am anderen Morgen schwarz!

Zitat Anna Moseler 14.06.06

Terra de Vida Exposition du 9 au 30 juin 2006 à Esch/Alzette à la Kulturfabrik

Den Olivier an ech sin net déi eenzeg déi momentan eng Ausstellung laafen hun,
photonic friend Jérôme Melchior huet zesummen mat 2 Fotografen déi grouss Ausstellung Terra de Vida an der Kufa laafen, eng genial Doku-Rei iwert d'Portugiesesch Sociétéit zu Letzebuerg. Et ass eng immens wichteg Arbescht déi hei geleescht gouf, main déiwsten Respekt an Unerkennung fir déi enorm Arbescht déi d?Fotografen hei geleescht hun an hoffentlech weider leeschten. An sougenannten "ziviliséierten" Zaiten sin ech erféiert an skandaliséiert iwert den latenten Rassismus den am Moment an verschiddenen letzebuergeschsprochegen Foren optaucht. Och leider oft nach emmer géint eis portugisesch Matbierger.

D'Wierk vum Didier, Jérôme an Paulo ass dowéint emsou méi een Zeechen vun Unerkennung, Toleranz an Versteesdemech vis-à-vis vun deem waat eis gréissten Awanderungsgrupp all Daag sait 30-40 Joer leescht hei am Land.
Et ass den Ufank vun enger soziologesch wichteger Analyse, déi zu enger kollektiver Mémoire féieren soll an souzu engem Opschaffen vun der portugiesecher Integratioun zu Letzebuerg.

halbschatten

Léif Frenn,
mir (den Oli Thull an ech) sin frou Iech heimat op eis Ausstellung "halbschatten" ze invitéieren.
Den Vernissage ass Samsdegs, den 10 Juni ab 19h, daat ganzt bei Sixthfloor op der Neimillen bei Koerich. D'Ausstellung leeft drei Weekend'ter.
E Mini-Katalog zur Ausstellung ass op Bestellung zum Preis vun 15 Euro erhältlech.

picture of the day

Coheed and Cambria

Waat Zaiten!!!
holy shit, do steet e Sonndes Moies op, denkt un naischt béises an dann daat.
Mir haaten an der Laescht déi eng oder aner formidabel Band hei zu Letzebuerg (Porcupine Tree, DAAU, Royskopp, Tool (kommen an e puer Deeg)), an et schengt keen Enn a Sicht.
Coheed and Cambria kommen an d'Rockhal!!!
Sie ghéieren fir mech am Moment zum innovativsten an progressivsten waat an der amerikaescher Metalszene ronderemleeft, zesummen mat den Mars Volta, Dillinger Exscape Plan an Sleepytime Gorilla Museum.
Hier Musek ass e Mix aus modernem Metal mat Skaterattitude meets 70's Rush goes Emo,
Sie sin gigantesch grouss an den USA a spillen schons an de groussen Haalen. Net verwonnerlech bei sou enger Meschung, dat een am Publikum souwuel 14jähresch kleng Skatertussen fennt wéi 50 Joer aal Altrocker. Genug opgegeilt, Présence ass Pflicht meng Dammen an Hären.
Chapeau op jidfer Fall fir d'Leit vum der Rockhal, déi lues awer secher eng gutt Gespiir hun fir extraordinair Bands, ech géif hinnen wenschen och méi Leit an de Club ze kréien.
Ech kann just dreemen waat als next op Letzebuerg kennt: the (holy) Mars Volta? (den neien Album ass ennerwee)


www.rockhal.lu
www.coheedandcambria.com

TOMLUCAS.NET updated

Hun mech den weekend endlech em main Internetsite gekemmert an een groussen Update gemeet: d'Photoen sin ziemlech onverännert, wann och regroupéiert, mae de ganzen Layout huet geännert.
Have a look!

Trauerweide

Dest Joer hun ech mir ee gnaz speziellen Geburtsdagscadeau scheken gelooss: Ech hun ee Baam, genuer gesot eng Trauerweid, gepflanzt. Ech sin deck begeschtert, sie huet elo déi eischt Woch mam Empflanzen an deem villen Wand eng Rei Blieder verluer, sin awer optimistesch dat et hier geschwenn besser geet. Gin oft bei se schwätzen, dat misst jo awer hellefen;-))).

from the archives

Eng arbescht déi eigentlech déi next 20 joer keen ze gesin kritt, hun doheem bei enger Fenster eng kamera op engem Stativ stoen, an do bleiwt se och, déi next, 10, 20, 30 asw Joren. Méi oder manner regelmässeg maachen ech eng Foto. Op Film, waat mat den Biller geschitt wees nach keen.>br>classeur 14 planche 56

DAAU

Ladies and gentlemen, please welcome for the second time in Luxembourg, the incredible DAAU

en Mettwoch kennt dir eng absolut genial an intensiv Band an der Rockhal ukucken an lauschteren: DAAU (Die anarchistische Abendunterhaltung).
En wahnsinnig, genialen, krank, anarchisteschen Mix aus Classic, Pop, Electronic, mat Zigeiner Kläng.
be there!!!!!!!


www.daau.com
www.rockhal.lu