The Hot Shoe Diaries

Bass du een Strobist?



Déi digital Fotografie huet sou munches an der alldäglecher Fotopraxis vereinfacht.

Eischtens kann e vill méi mat der Beliichtung an zumools der Ausliichtung experimentéieren: Flash Light, Ambient Light, eng Meschung aus verschiddenen Lichtquellen an zweetens ass et ganz einfach sain Bletz vun der Kamera erofzuhuelen an trotzdem TTL, drahtlos, asw fotograféieren. Wou e fréier eng ganz Blëtzanlag (mat sëllegen Kabelen) matgeschleeft huet, keeft een haut just nach en 2. (oder 3.) Bletz an e puer kleng Accessoiren an kann vill méi flexibel a kreativ schaffen.

Am Internet huet sech och esou eppes wéi eng kleng Szene gebillt, d'Strobisten, mat héichinteresanten Websaiten wéi http://www.strobist.blogspot.com/ wou en emmer erem Neies léieren kann.

Keen Wonner dat elo och emmer méi Bicher zum Thema optauchen, ech hun mer dunn virun kuerzem dem Joe McNally sain "The Hot Shoe Diaries" kaaft.Den McNally ass zB den Auteur vun 2 Nikon DVD'en zum Thema blëtzen an e puer Biller aus desem Buch hun ech och schons an sengen Videotutorials gesinn.

Ween hei elo eng Zort Bedienungsanleitung fir frei d'Blëtzen erwaart get, wéi ech zum Deel, e bessi enttäuscht. D'Buch ass eischter eng Usammlung vun Anecdoten, Geschichten an Rotschléi fir Leit déi mam Nikon System schaffen. Fir Fortgeschrëttener eng amusant Lecture zum Thema, fir den Apprentissage an déi effektiv Weiderbildung géif ech mech awer eischter un Blogs an Siten wéi http://www.strobist.blogspot.com/ haalen.

Let there be more light.

SKIN

Dese Wanter hun ech mech e besschen méi intensiv mat neien (an manner neien) Photoshop-Techniken beschäftegt an mir e ganzen Bierg voll Bicher zougeluecht. Nodeems ech ech ganz Retsch Wierker vum Scott Kelby (onbedengt e puer Bicher vun him studéieren!) duerchgeknaat hat an bemierkt hun dat d'Techniken sech awer oft wiederhuelen, sich ech op SKIN vum Lee Varis gestousst. Bestemmt kee Buch fir Débutants, a vielleicht manner didaktesch wéi d'Bicher vum Scott Kelby, ass dest Buch trotzdem d'Referenz fir Leit déi gaer digital Portraitretouche léieren. Wann Dir d'Grondtechniken vun der Beliichtung schon beherrscht, an Layeren a Masken fir Iech opmannst e Begrëff sinn, dann ass dest vielleicht e Buch fir ech.

photo of the week

photo of the week

from the archives

Open Flash was THE big thing 10 years ago.
Hun et nach emmer gaer...

Mois de la photo 2

Konscht ass ustrengend!
Den Mois Européen de la Photographie ass definitiv amgaang an nach nie haaten mir zu Letzebuerg de Choix vun esouvillen exzellenten Expoen am Bereich Fotografie.
Hei als Appetizer e puer Nimm a Plaazen, meng Coups de coeur vun mengen Découverten haut:

MNHA: Portrait ass hei ugesoot, fantastesch d'Wierker vum Pierre Gonnord, formidabel och d'Entdeckung vum Luce Moreau senger Arbescht.

Casino: No der legendärer "The 90's..:" virun Joren, elo eng nei Expo mat (foto)geschichtsträchtegen Titel (deen an aktuellen Zaiten wuel bewoost een Goût amer huet) "Great Expectations: Contemporary Looks at Today's Bitter Years". Bekanntes an och Neies huet mech de Moien am Casino begeeschtert: Peter Ganser: "Sun City", Dionisio González, Adi Nes "Bible" souwéi main Photon.lu Frënn Patrick Galbats. Huelt Iech Zait fir des Ausstellung, ech gin op jidfer Fall och nach emol zereck.

Vun der Haaptstaadt dunn an d'Fotografie-Haaptstaadt vum Ländchen, nämlech Diddeleng, wou am CNA eng exzellent Ausstellung mam Titel "3 Stories" ugaang ass, main Coup de coeur hei d'Arbescht vum Pieter Hugo iwert déi iech ech net ze vill well verrooden. Quelle découverte!

Vill ze verschaffen deemno fir den Schofsfrënn, deen déi next Deeg och nach déi aaner Ausstellungen kucken geet.

Fréijoersfoto (of the week)

from the darkroom

Mois de la photo

Yuppiiie, den Mois de la Photo geet un a brengt eis eng ganz Rei flott Ausstellungen an d'Land.
Laescht Woch waar ech mir direkt mol an d'Leslie's Artgallery op de Bridel d'Portrait'en vum Billy & Hells ukucken. Eng ganz spektakulär Arbescht iwert/mat Krankeschwestern mam Numm "Sisters of Mercy". D'Biller sin glaichzeiteg irgendwéi retro an dach höchst contemporain.

Wann der an der Staadt sidd, gidd onbedengt an d'Clairefontaine Espace 2 dem Giacomo Costa sain Billerzyclus The Chronicles of Time bewonneren. Kenner hun den Costa wuel schon déi eng oder aner Kéier zu Letzebuerg entdeckt. Seng hybrid, technoid Landschaften sinn erstaunlech, niewt klengeren Lightboxes, präsentéiert den Artist des Keier och Groussformaten, Welten aus Waasser, Eis, Bësch. Eng Rees un d'Limiten vun der Fotografie.

Last but not least goung gescht dem Marc Wilwert seng nei Ausstellung "Zero Sun" an der Galerie Gaasch zu Diddeleng op. Et ass Weiderféierung vun senger Recherche iwert d'Luucht an d'Absence vu Luucht. Net verpassen.

The life of Mr. S.

Liquid Light

Hat mir laescht Joer eng Flaesch LiquidLight, flessesch Fotoemulsion, ugeschaaft fir en puer Experimenter ze maachen. Virun Joren hat ech eng Rei ganz flott Resultater domat gemeet, esouguer Faarwtéin kruut ech hin, froot net wéi...

Hei e puer Resultater op klasseschen Zeeschenpabéier. De Labo bleiwt awer elo mol bis nächsten (oder iwernächsten?) Wanter zou.

photo of the week

from the darkroom

Pinhole fun

from the darkroom

from the archives

Playlist Januar 2009

shuffling in the cold

Blackfield: Glow
Squonk Opera: The unusual Mrs. Spitz
Wallenstein: Lunetic
Gojira: Remembrance
Lou Reed; Caroline says II
Protest the Hero: Goddess Gagged

dumdidumdidye

from the darkroom

Wanterzait ass Labozait; ech hun mer dest Joer endlech mol erem e puer Laboséancen geleescht fir e bessi aus den Archiven ze printen. It was fun, ech gesin awer glaichzeiteg, dat d'Finesse fir de Print e bessi verluer gaang ass an de laeschten 7-8 Joer, op der aaner Sait hun ech eng gewessen Gamme de gris an e Style fonnt an deem ech gaer printen.

Firwaat nemmen e Bild printen, wann een der op e Coup kann 2 beieneen printen? D'Iddi ass inspiréiert vun der Planche-Contact, d'Loscht d'Biller erem an eng méi oder manner zoufaelleg Géigeniwerstellung ze setzen, e besschen mam narrativen Element spillen. Anyway...here we go.

Ps: Wéi am Facebook bereits erwähnt, hun ech eng Boîte Ilford Multigrade 40x50 RC Pabeier ze verschenken (De pabeier ass e puer Joer aal, ech hun mat e puer Blaad en Test gemeet, alles ok, konnt mat Grade 3 printen, et sin nach eng 40-45 Blieder an der Kescht). Den Eischten ass fir, et ass gratis!

Cards

Mat vill Motivatioun an d'neit Joer.

Heirun bastelen ech sait kuerzem: Kleng temporär Mini-Skulpturen déi ech fotograféiren ier se rem an e Koupp faalen. Meeschtens maachen ech e puer Zoustandsfotoen mat der klenger Lumix, Esquissen souzesoen, ier ech mech décidéieren, wéi lo hei, och heichopléisend Opnahmen ze réaliséieren. Ech hoffen meng Fähegkeeten mat de Kaarten huelen nach zou, wann ee vun Iech Spezialist a Saachen Kaartenheisercher ass, kann e sech gaer bei mir mellen. Sin gespaant wéi et weider geet.

Schéi Feierdeeg

Joyeuses Fêtes

Fröhliche Weihnachten

Schéi Feierdeeg

an e Gudde Rutsch